8
Lingen Kot me iteüöchün aramas
8.1-9
Ngeni ewe mi emweni chon köl: Won ewe pisekin ettik itan kitit. Echö än Tafit köl.
Äm Samol mi Lapalap, äm Samol,
a fokun pwäla iteüöchum won unusen fanüfan!
Kölün mwareiti lingom a tori läng.
Ekewe semirit me ekewe mönükol ra kölün mwareituk.
Ekewe chon oputom resap tongeni afeiengauok.
Ka afanafanaloi chon oputom me chon ü ngonuk. Mat 21.16
Lupwen üa netä läng förien poum
o nengeni ewe maram me ekewe fü ka anomuur lon lenier,
met aüchean aramas pwe ka ekieki usun,
nge met aüchean nöün aramas pwe ka tümwünü? Hiop 7.17-18; Kölf 144.3; Ipr 2.6-8
Nge ka föri i pwe epwe ekis kis fomw en ai Kot,
ka ämwärämwära ngeni ling me iteüöch.
Ka awisa ngeni pwe epwe nemeni mettoch meinisin ka föri.
Ka anomu fän nemenian föriom kewe meinisin, 1.Kor 15.27; Ef 1.22; Ipr 2.8
ekewe sip me ekewe kow meinisin, pwal ekewe manmwachon lemäl,
ekewe mansüsü me ekewe ikenen leset
me sokopaten mönün leset.
 
Äm Samol mi Lapalap, äm Samol,
a fokun pwäla iteüöchum won unusen fanüfan!

8:2: Mat 21.16

8:4: Hiop 7.17-18; Kölf 144.3; Ipr 2.6-8

8:6: 1.Kor 15.27; Ef 1.22; Ipr 2.8