6
Fapi Fager
1 Gur e an th’abi pidorang u fithik’ e ppin,
bu uw e gin ke yan gamarem ngay?
Mog ngomad e ra pa’ i kanawo’ nike sor gamarem ngay,
ya nge yag ni nggu ayuweged gur i gay.
Fare Pin
2 En ni gamareg e ke yan ko milay’ rok,
ko gin ma tugul e gek’iy ni balsam riy.
Be durwi’iy e gamanman rok u milay’
ma be kunuy e flores ni giyab.
3 En ni adag rog e ba milfan ngog, ma ba milfag ngak;
be durwi’iy e gamanman rok u fithik’ e giyab.
Bin lal e tang
Fare Mo’on
4 Adag rog, rigab pidorang ni bod fel’ngin yu Jerusalem,
ma bfel’usum ni bod fare binaw nu Tirzah,
ga bod e pi binaw ni felel’, ni be un e fan rog ngom.
5 Mu chefeg e changar rom rog nga orel;
ya be fek e fan rog.
Piyan lolgem e be churu’ ni bod ba ran’ i kaming
ni be ’og i yib nga p’ening ko burey nu Gilead.
6 Nguwelem e ta’reb feni wech nga ba ran’ i saf
ni kafinn luknag.
Dariy reb riy nib mul;
ma gubin nib ta’reb foyin.
7 Linglingim e be mat’ ram’en u fon fagi e mad u owchem.
8 Ngan pag e en pilung nge yag ngak nel’ i ragag e queen, nge meruk i ragag e ppin rok
nge rugod ni dabiyag i the’eg!
9 Ma kabm’on u wun’ug ta’reb,
ni ir e bod fini pidorang ba dove.
Kari mus ni ta’reb rok e chitiningin,
ni ir e th’abi t’uf rok e chitiningin.
Urngin e ppin ni yad ma changar ngak ma yad ma yog e sorok ngak;
pi le’engin e pilung nge ku boch e ppin e yad ma yon’ tangin nib sorok.
10 Mini’ e ray nra changar ma bod ni be puf e woch?
Rib pidorang ma ba gal ra’en,
ni be maluplup ni gowa yal’ ara pul.
11 Ku gub nga p’ening u fithik’ e gek’iy ni keal
ni ngguy e gek’iy ni kafni for u loway,
mug guy yuwan e grape ni kafni sum
nge mak’uf ko pomegranate.
12 Gu da’da’ make thum an’ug ngom
ni bod be’ u daken e chariot nike th’ab mirin nga mit e mael.
Fapi Fager
13 Mu churu’! Mu churu’!
Gur fare rugod nu Shulam,
Ngguyed gur ni ga be churu’.
Fare Pin
Mangfan ni gimed ba’adag ni ngu’um yaliyedgag
ni gu be churu’ u p’eowchen e girdi’ ni be sap?
DRAFT VERSION — Proofreading in progress