EXODUS
Tukakinyen Book In EXODUS
Kalmen Exodus pa “illa.” Pacl se ma saok ac yohk sripa oemeet in sramsram matu ke mwet Israel pa aketeyuki in book se inge — ke mukuiyak ac illa lalos liki facl Egypt, yen elos tuh mwet kohs we. Book se inge kitakatelik nu ke ip yohk akosr: 1) Mwet Hebrew elos aksukosokyeyukla liki moul in mwet kohs; 2) Fufahsryesr lalos nu Fineol Sinai; 3) Wuleang lun God yurin mwet lal Fineol Sinai, ke El sang ma sap lal nu selos tuh elos in etu inmasrlon ma wo ac ma koluk, oayapa oakwuk nu ke ouiya lun mutunfacl selos, ac ma sap ke ouiyen alu lalos; 4) Tulokinyukyak sie nien alu ac akoeyuk ma nukewa su ac orekmakinyuk loac, oayapa ma sap nu sin mwet tol ac nu ke luman alu nu sin God.
Yohk liki ma nukewa, book se inge aketeya ke ma God El orala ke El aksukosokyela mwet lal su moul in mwet kohs, ac lumahlosla nu ke sie mutunfacl su oasr finsrak la nu ke pacl fahsru lalos.
Mwet se ma srumunyuk yohk in book se inge pa Moses, su God El sulela in kol mwet lal liki facl Egypt. Ma se eteyuk yohk emeet in book se inge pa Ma Sap Singoul, ma takinyukla in chapter 20.
Takla Lun Koanon Book Se Inge
Sukosokla lun mwet Israel liki facl Egypt 1:1—15:21
a. Moul in mwet kohs in Egypt 1:1–22
b. Isusla lal Moses ac matuak lal nu ke pacl el mwet fusr 2:1—4:31
c. Moses ac Aaron alein nu sin tokosra lun Egypt 5:1—11:10
d. Pacl in Alukela ac illa liki Egypt 12:1—15:21
Fahsr liki Meoa Srusra nu Fineol Sinai 15:22—18:27
Ma Sap ac Wuleang 19:1—24:18
Iwen Aktuktuk lun Wuleang ac oakwuk nu ke alu 25:1—40:38
1
Mwet Israel Akkeokyeyuk In Egypt
Wen natul Jacob su welul som nu Egypt, wi sou lalos pa: 1:1–4 Gen 46:8–27 Reuben, Simeon, Levi, Judah, Issachar, Zebulun, Benjamin, Dan, Naphtali, Gad, ac Asher. Pisen mwet inge nukewa su ma in fwil natul Jacob na suwohs, oasr ke mwet itngoul. Joseph, sie sin wen natul Jacob, el oasr tari in acn Egypt. Ke pulan pacl sac, Joseph ac mwet lel ac mwet in fwil sac nufon misa, tusruktu, fahko lun mwet Israel inge arulana puseni ac kui oru elos oaclik acn nukewa in Egypt. Orek 7:17
Na oasr tokosra sasu se mutawauk in leumi acn Egypt, su tia etal Joseph. Orek 7:18 El fahk nu sin mwet lal, “Mwet Israel inge arulana puseni ac kui. Nga luman sensen elos ac ku liki kut. 10 Fin oasr mweun elos ac mau kupasryang nu sin mwet lokoalok lasr ac lain kut, ac elos ac ku in kaingla liki mutunfacl sesr. Kut enenu in akngusrikya suk sie inkanek in taranulos in tia puseni.” Orek 7:19 11 Ouinge mwet Egypt sang kutu mwet kol lalos sifacna in akupayela orekma lalos. Mwet Israel inge pa musaela siti Pithom ac Rameses — siti lulap inge kalkalyak tuh in acn in karingin mongo ac kufwa nukewa nu sin tokosra. 12 Tusruktu finne yokelik mwe keok ma mwet Egypt sang aktoasrye mwet Israel kac, a pisen mwet Israel puseni liki meet ac osralik fin acn uh. Mwet Egypt mutawauk in sangeng sin mwet Israel, 13 oru elos aktoasryela orekma lalos. 14 Elos akorekmayalos in orek brick mwe musa, oayapa kain in orekma nukewa inima uh, ac oru arulana upa nu selos.
Tokosra El Sapkin In Anwuki Tulik Mukul Hebrew
15 Na tokosra Egypt el kaskas nu sin luo sin mutan akisus ma kasru mutan Hebrew. Ineltal pa Shiphrah ac Puah. 16 El fahk nu seltal, “Ke komtal ac akisusye mutan Hebrew uh, fin ac tulik mukul se, na unilya; fin ac tulik mutan se, lela elan moul.” 17 Tusruktu mutan akisus inge eltal etu in sangeng sin God, oru eltal tia aksol tokosra, a eltal fuhlela tulik mukul uh in moul. 18 Ouinge tokosra el sapla nu sin mutan akisus ah, ac siyuk seltal, “Efu komtal ku oru ange? Efu komtal ku fuhlela tulik mukul uh moul?”
19 Eltal topuk, “Mutan Hebrew uh tia oana mutan Egypt uh, mweyen isus uh ma fisrasr se selos, oru tulik natulos isusla meet liki na mutan akisus uh sonolos.” 20 Ouinge God El oru wo nu sin mutan akisus inge, ac mwet uh puselik ac arulana ku. 21 Ke sripen mutan akisus inge mwet sangeng sin God, oru El sang in oasr pac tulik natultal. 22 Na tokosra el sapelik nu sin mwet lal nukewa, “Tulik mukul Hebrew nukewa ma isusla, kowos sisla nu Infacl Nile, a lela tulik mutan uh in moul.” Orek 7:19

1:1 1:1–4 Gen 46:8–27

1:7 Orek 7:17

1:8 Orek 7:18

1:10 Orek 7:19

1:22 Orek 7:19