HOSEA
Tukakinyen Book Lal HOSEA
Mwet palu Hosea el tuh luti in tokosrai lun Israel, su oan layen epang, tokol mwet palu Amos, in pacl se ma arulana yohk lokoalok we, meet liki musalla lun acn Samaria in yac 721 B. C. (meet liki Christ). El tuh nunku yohk ke mwet uh alu nu ke ma sruloala, ac ke sesuwos lalos nu sin God. Hosea el pupulyukkin sesuwos lalos lah elos oana mutan kial su tia inse pwaye nu sel ac sisella. Oana ke Gomer, mutan kial, tuh aklalfonyal, ouinge mwet lun God elos oru oapana nu sin Leum. Ke sripa se inge, ac fah oasr nununkunu sin mwet Israel. Finne ouinge, lungse lun God nu selos tiana wanginla, na ke saflaiya El tuh folokonma mutunfacl sac nu yorol ac sifilpa nawela akupasri lalos nu sel. Lungse lulap lun God inge akkalemyeyuk ke kas inge ma fahk mu, “Israel, nga ac filikomla fuka? Nga ac siskomla fuka? ... Insiuk ac tiana lela ngan oru ouinge! Lungse luk nu sum arulana ku na pwaye” (11:8).
Takla Lun Koanon Book Se Inge
Payuk lal Hosea, ac sou lal 1:1—3:5
Kas lainyen mwet Israel 4:1—13:6
Kas in auliyak ac wuleang 14:1–9
1
Pa inge kas su LEUM GOD El sang nu sel Hosea, wen natul Beeri, ke pacl Uzziah, Jotham, Ahaz ac Hezekiah elos tokosra lun Judah, ac Jeroboam, wen natul Jehoash, el tokosra lun Israel. 2 Tok 15:1–7; 2 Chr 26:1–23; 2 Tok 15:32–38; 2 Chr 27:1–8; 2 Tok 16:1–20; 2 Chr 28:1–27; 2 Tok 18:1—20:21; 2 Chr 29:1—32:33; 2 Tok 14:23–29
Mutan Kial Hosea Ac Tulik Natul
Ke pacl se emeet LEUM GOD El kaskas nu sin Israel ke oalul Hosea, El fahk nu sel Hosea, “Som payukyak. Mutan kiom an ac fah mutan na aklalfon se, ac tulik nutumtal ac fah oana el. In ouiya sacna, mwet luk uh elos aklalfonyeyu ac sisyula.”
Na Hosea el payukyak sin mutan se pangpang Gomer, acn natul Diblaim. Tukun wen se oemeet natultal isusla. LEUM GOD El fahk nu sel Hosea, “Sang inel Jezreel, mweyen ac tia paht, nga ac kai fwilin tulik natul Tokosra Jehu ke sripen akmas ma el orala ke Infahlfal Jezreel.* Jezreel: Jehu el uniya tokosra lun Israel, wi sou lal nukewa, ke siti se pangpang Jezreel, na Jehu el tokosrala, ac wen natul elos oayapa tokosra tokol. Liye 2 Tok. 9:1—10:36 Nga fah oru tuh wangin tulik natul Jehu in tokosrala nwe tok. 2 Tok 10:11 Ac nga fah kunausla mwe mweun lun Israel in pacl sacn ke Infahlfal Jezreel.”
Tulik se akluo natul Gomer, tulik mutan se. LEUM GOD El fahk nu sel Hosea, “Sang inel Lo‐ruhama Lo‐ruhama: kalmen ine se inge pa Tia‐Lungkinyuk, ku Wangin‐mwet‐pakomutal. mweyen nga ac tia sifil pakomuta mwet Israel, ku nunak munas nu selos. Tusruktu, nga fah pakomuta mwet Judah. Nga, LEUM GOD lalos, fah molelosla, tusruk nga ac tia oru ke inkanek in mweun — tia ke cutlass ku ke mwe pisr ac sukan pisr, ku ke horse ac mwet kasrusr fin horse.”
Tukun Gomer el liktitela acn natul, el sifilpa pitutuyak ac oswela sie wen. LEUM GOD El fahk nu sel Hosea, “Sang inel Lo‐ammi Lo‐ammi: kalmen ine se inge pa Tia‐Mwet‐Luk. mweyen mwet Israel elos tia mwet luk, ac nga tia God lalos.”
Facl Israel Ac Fah Sifil Folokyak
10 Pisen mwet Israel ac fah oana puk weacn uh, su tia ku in oekyukla ku srikeyuki. Inge God El fahk nu selos, “Kowos tia mwet luk,” tusruktu in pacl fahsru uh, El ac fah fahk nu selos, “Kowos pa tulik nutin God moul.” Rom 9:26 11 Mwet Judah ac mwet Israel ac fah sifil folokeni ac ma sefannala. Elos ac fah sulela mwet kol sefanna lalos, ac elos fah puseni ac kapkapak in facl selos. Aok, len lal Jezreel§ Jezreel: kalmen ine se inge in kas Hebrew pa “God El taknelik,” ma in akkalemye lah oasr kapkapak ac mwe insewowo sin God. fah sie len na pwengpeng.

1:1 2 Tok 15:1–7; 2 Chr 26:1–23; 2 Tok 15:32–38; 2 Chr 27:1–8; 2 Tok 16:1–20; 2 Chr 28:1–27; 2 Tok 18:120:21; 2 Chr 29:132:33; 2 Tok 14:23–29

*1:4 Jezreel: Jehu el uniya tokosra lun Israel, wi sou lal nukewa, ke siti se pangpang Jezreel, na Jehu el tokosrala, ac wen natul elos oayapa tokosra tokol. Liye 2 Tok. 9:110:36

1:4 2 Tok 10:11

1:6 Lo‐ruhama: kalmen ine se inge pa Tia‐Lungkinyuk, ku Wangin‐mwet‐pakomutal.

1:9 Lo‐ammi: kalmen ine se inge pa Tia‐Mwet‐Luk.

1:10 Rom 9:26

§1:11 Jezreel: kalmen ine se inge in kas Hebrew pa “God El taknelik,” ma in akkalemye lah oasr kapkapak ac mwe insewowo sin God.