20
Jeremiah Ac Pashhur Amei
Pashhur, wen natul Immer, el sie mwet tol su sifen mwet liyaung inkul in Tempul. Ke el lohng ke nga fahkak ma inge el sap in sringsring nga ac kapiri ke mwe kapir* mwe kapir: ipinsak luo ma sang sruokya nien mwet. apkuran nu ke Mutunpot Benjamin, ma oan lucng ke Tempul. Lotutang tok ah, tukun Pashhur el tuleyula liki mwe kapir, nga fahk nu sel, “LEUM GOD El fahk mu ac tia sifil pangpang kom Pashhur, a ac fah pangpang kom ‘Sangeng Yen Nukewa.’ LEUM GOD El sifacna fahk mu, ‘Nga ac fah oru kom in sie mwe aksangeng nu sum sifacna ac nu sin mwet kawuk lom, ac kom ac fah liye ke elos nukewa anwuki ke cutlass nutin mwet lokoalok lalos. Nga ac fah filiya mwet Judah nukewa ye ku lun tokosra Babylonia. El ac fah usla kutu selos in mwet kapir nu in facl sel, ac uniya mwet lula. Nga fah oayapa lela mwet lokoalok lalos in usla mwe kasrup nukewa in siti se inge, ac sruokya ma lalos nukewa oayapa acn selos, wi pac ma saok lun tokosra Judah, ac usla ma nukewa nu Babylonia. A funu kom, Pashhur, kom ac sou lom nukewa fah oayapa sruoh ac utukla nu Babylonia. Kom ac fah misa ac pukpuki we, wi mwet kawuk lom nukewa su kom fahk kas kikiap puspis nu se.’ ”
Jeremiah El Torkaskas Nu Sin LEUM GOD
LEUM GOD, kom kifasla insiuk
Na nga tari wikomla.
Kom ku likiyu,
Ac kom kutangyula.
Mwet nukewa aksruksrukyeyu.
Elos tia tui in isrunyu.
Pacl nukewa nga kaskas uh, yokla pusrek,
Ac nga wowoyak ac fahk, “Yokna sulallal ac kunausten!”
LEUM GOD, aksruksrukyeyuk nga ac angonyuk nga pacl nukewa
Mweyen nga sulkakin kas lom.
A nga fin fahk mu, “Nga ac fah mulkunla LEUM GOD
Ac tia sifilpa kaskas ke Inel,”
Na kas lom uh oana sie e in nga
Ma firir in sri keik uh.
Nga srike kuiyuk in sruokyana,
Tusruktu nga tia ku in kutongya.
10 Nga lohng ke mwet nukewa mahmah mu,
“Mwe aksangeng oasr yen nukewa!
Lela kut in tukakunulak nu sin mwet fulat lasr!”
Finne kawuk fototo luk elos soano nga in ikori.
Elos fahk mu, “Sahp kut ac ku in kiapwella,
Na kut fah sruokilya ac oru foloksak lasr nu sel.”
11 Tusruktu, LEUM GOD, kom wiyu lac, ac kom kulana,
Elos su kalyeiyu tia ku in kutangyula.
Elos fah akmwekinyeyuk nwe tok,
Mweyen elos tia ku in sun finsrak lalos.
Mwekin lalos ac fah tiana mulkinyukla.
12 Tusruktu, LEUM GOD Kulana, kom srike mwet uh ke suwohs;
Kom etu nunak lalos ac ma oan insialos.
Ke ma inge lela nu sik in liye ke kom ac foloksak nu sin mwet lokoalok luk,
Tuh nga likiya sripa nukewa luk inpoum.
13 On nu sin LEUM GOD!
Kaksakin LEUM GOD!
El molela mwet su akkeokyeyuk liki ku lun mwet koluk.
14 Selngawiya len se nga isusla!
Mulkunla len se nina kiuk el osweyula! 20:14–18; Job 3:1–19
15 Selngawiya mwet se su akenganye papa tumuk
Ke el us pweng wo se nu sel ac fahk,
“Tulik mukul se pa nutum!”
16 Lela elan oana siti nukewa
Ma LEUM GOD El kunausla ac wangin pakomuta lal.
Lela elan lohng tung in mwaiok ke lotutang,
Ac sulkakinyen mweun ke infulwen len,
17 Mweyen el tia uniyuwi meet liki nga isusla,
Na insien nina kiuk lukun pa kulyuk luk.
18 Efu ku nga isusla?
Ya ngan tuh sun mwe lokoalok ac mwe asor,
Ac in aksafyela moul luk ke mwekin?

*20:2 mwe kapir: ipinsak luo ma sang sruokya nien mwet.

20:14 20:14–18; Job 3:1–19