18
Inkanek In Kosro Ma Oal Nu Sin Mwet Israel
LEUM GOD El fahk nu sel Moses elan fahkang nu sin mwet Israel, “Nga pa LEUM GOD lowos. Nik kowos oru ouiya lun mwet Egypt, yen ma kowos tuh muta we meet, ku ouiya lun mwet in acn Canaan, yen su nga ac us kowos nu we. Akos ma sap luk, ac oru ma nga sapkin. Nga pa LEUM GOD lowos. Fahsr tukun oakwuk ac ma sap su nga sot nu suwos. Kowos fin oru ouinge, kowos ac fah moul. Nga pa LEUM GOD.” Neh 9:29; Ezk 18:9; 20:11–13; Lk 10:28; Rom 10:5; Gal 3:12
Nikmet orek kosro nu sin kutena mwet in sou lowos. Nikmet akmwekinye papa tomom ke kom orek kosro nu sin nina kiom. Kom fah tiana akmwekinye nina kiom sifacna. Nikmet akmwekinye papa tomom ke kom orek kosro nu sin kutena sin mutan kial saya. Lev 20:11; Dut 22:30; 27:20 Nik kom orek kosro nu sin tamtael lom, ku nu sin acn nutin papa tomom ku nina kiom saya — el finne wi kom matula in lohm sum, ku tia. Lev 20:17; Dut 27:22 10 Nikmet orek kosro nu sin acn nutin wen nutum ku acn nutin acn nutum — ma inge ac fah sie mwe akmwekin nu sum. 11 Nikmet orek kosro nu sin acn nutin mutan kien papa tomom — el ma pacna wiom. 12 Kom fah tiana orek kosro nu sin tamtael lun papa tomom, mweyen el ikwen pacna papa tomom. 18:12–14; Lev 20:19–20 13 Kom fah tiana orek kosro nu sin tamtael lun nina kiom, mweyen el ikwen pacna nina kiom. 14 Nik kom orek kosro nu sin mutan kien tamulel lun papa tomom — el oapana nina se kiom. 15 Nik kom orek kosro nu sin mutan kien wen nutum, Lev 20:12 16 ku nu sin mutan kien tamulel lom. 17 Nik kom orek kosro nu sin sie mutan nutin sie mutan su kom orek kosro nu se meet, ku nu sin tulik nutin natu. Sahp elos ac sou lom — ac tuh pwanang kom orek pukasr. 18 Nik kom payuk sin tamtael lun mutan kiom, ke lusenna pacl mutan kiom el srakna moul.
19 Nik kom orek kosro nu sin kutena mutan su oasr ke musen malem lal, mweyen el tia nasnas. Lev 20:18 20 Nik kom orek kosro nu sin mutan kien siena mwet. Ma se inge ac fah akfohkfokye kom. Lev 20:10 21 Nikmet sang kutena sin tulik nutum in kisakinyuk nu sin god Molech, mweyen ouiya sacn ac aklusrongtenye Inen LEUM GOD. Lev 20:1–5 22 Wangin sie mukul ac fah oru inkanek in kosro nu sin siepah mukul — God El kwase ouiya sacn. Lev 20:13 23 Wangin mukul ku mutan ac fah orek kosro nu sin kutena ma orakrak. Kain in elah fohkfok inge ac fah akfohkfokye kom. Exo 22:19; Lev 20:15–16; Dut 27:21
24 Nik kowos akfohkfokye kowos sifacna ke kain in ouiya inge, tuh pa inge ouiya ma akfohkfokye mwet pegan su muta in acn inge meet liki kowos, su LEUM GOD El ac lusak tuh kowos in ku in utyak nu in acn selos. 25 Orekma lalos akfohkfokyela acn uh, ouinge LEUM GOD El kalyei acn uh, ac oru tuh acn uh in wotela mwet su tuh muta we. 26 Tusruktu kowos, mwet Israel oayapa mwetsac nukewa su muta inmasrlowos, fah liyaung ma nga sapkin ac oakwuk luk, ac tia oru kutena sin ouiya koluk inge. 27 (Mweyen mwet ma tuh muta fin acn se inge meet liki kowos, elos tuh oru ouiya koluk inge, pwanang kolukla acn se inge.) 28 Fin ouinge, acn uh ac fah tia siskowosla, oana ke el tuh sisla mwet pegan su muta we meet liki kowos. 29 Kowos etu lah kutena mwet su oru kutena sin ouiya koluk inge ac fah tia sifil pangpang sie sin mwet lun God.
30 Ac LEUM GOD El fahk, “Akos oakwuk ma nga sot, ac tia fahsr tukun ouiya lun mwet su tuh muta fin acn se inge meet liki kowos, ac nikmet oru kutena sin ma inge in akfohkfokye kowos sifacna. Nga LEUM GOD lowos.”

18:5 Neh 9:29; Ezk 18:9; 20:11–13; Lk 10:28; Rom 10:5; Gal 3:12

18:8 Lev 20:11; Dut 22:30; 27:20

18:9 Lev 20:17; Dut 27:22

18:12 18:12–14; Lev 20:19–20

18:15 Lev 20:12

18:19 Lev 20:18

18:20 Lev 20:10

18:21 Lev 20:1–5

18:22 Lev 20:13

18:23 Exo 22:19; Lev 20:15–16; Dut 27:21