60
[Psalm lal David, In Sie Mwe Luti, Ke El Mweuni Mwet Aramea Ac Joab El Folokla Ac Uniya Singoul Luo Tausin Mwet Edom Ke Infahlfal Sohl]
Sie Pre In Siyuk Ke Molela Sifa 2 Sam 8:13; 1 Chr 18:12
1 Kom tuh siskutla, O God, ac kutangkutla;
Kom tuh mulat sesr, tusruktu inge sifilpa foloko nu yorosr.
2 Kom tuh oru faclu in rarrar, ac srasrelik;
Inge kom in fonosya acn ma srasrelik, tuh acn uh musalsalu.
3 Kom tuh arulana akkeokye mwet lom;
Kut fahsr tukulkul oana mwet sruhi.
4 Kom sensenkunulos su sangeng sum,
Tuh elos in ku in kaingla meet liki elos kunausyukla.
5 Molikutla ke ku lom, ac topuk pre lasr,
Tuh mwet su kom lungse fah ku in moliyukla.
6 Liki acn mutal sel, God El fahk,
“Ke sripen nga kutangla, nga fah kitalik acn Shechem
Ac oralik Infahlfal Sukkoth nu sin mwet luk.
7 Ma luk pa acn Gilead, oayapa acn Manasseh;
Acn Ephraim mwe loeyen sifuk,
Ac acn Judah pa scepter* scepter: liye ke Kalmen Kutu Kas. luk.
8 A nga fah orekmakin acn Moab oana ahlu in winwin luk,
Ac nga fah sisang fahluk luk nu fin acn Edom
In akkalemye lah ma luk pa acn we.
Ya mwet Philistia elos nunku mu elos ac sasa fuk ke sripen elos kutangyula?”
9 O God, su ac usyula nu in siti se su kuhlusyukla ke pot ku?
Su ac fah pwenyula nu Edom?
10 Ya pwaye lah kom siskutla?
Ya kom ac tia wi mwet mweun lasr ke elos takla fahsr nu ke mweun?
11 Kasrekut lain mwet lokoalok lasr —
Kasru sin mwet uh wangin sripa.
12 Ke God El wi kut lac, kut ac fah kutangla;
El ac fah kutangla mwet lokoalok lasr.