114
Soko On Ke Alukela Lun Mwet Israel Liki Facl Egypt
Ke mwet Israel elos som liki acn Egypt,
Ke tulik natul Jacob elos som liki mutunfacl lun mwetsac, Exo 12:51
Mwet Judah elos tufah mwet mutal lun God,
Ac mwet Israel elos tokosrai lal.
 
Meoa Srusra liye ac kaingla;
Ac Infacl Jordan tui tila soror. Exo 14:21; Jos 3:16
Fineol uh srosro oana nani,
Ac tohktok uh srooht sroma oana sheep fusr uh.
 
Meoa, mea sis kom kaing an?
Ac kom, Infacl Jordan, efu kom ku tui tila soror?
Kowos fineol uh, efu kowos ku srosro oana nani?
Kowos acn tohktok uh, efu ku kowos srola oana sheep fusr?
 
Faclu, kom in rarrar ke tuku lun LEUM GOD,
Ye mutun God lal Jacob,
Su ekulla eot nu ke lulu in kof,
Ac eot in acn oatu nu ke unon in kof. Exo 17:1–7; Oek 20:2–13

114:1 Exo 12:51

114:3 Exo 14:21; Jos 3:16

114:8 Exo 17:1–7; Oek 20:2–13