125
Karinginyuk Mwet Lun God
Elos su lulalfongi in LEUM GOD, elos oana Fineol Zion,
Su koflana mukuikui, ac tia ku in mokleyuk.
Oana ke eol uh rauneak acn Jerusalem,
Ouinge LEUM GOD El rauneak mwet lal
Ingela ac nwe tok.
 
Mwet koluk fah tia leumi acn sin mwet suwoswos pacl nukewa;
Fin ouinge, sahp mwet suwoswos ac ku pac in oru ma koluk.
LEUM GOD, oru wo nu selos su oru wo,
Nu selos su akos sap lom.
A ke kom kai mwet koluk,
Kom in oayapa kaelos su fahsr liki inkanek lom.
Lela tuh Israel in muta in misla!