2
Koht ketin Malipe Esekiel pwe en Wiahla Soukohp
Ni ei kilangada irair wet, I ahpw poaridiong nanpwel. Oh rongada ngihl ehu me mahsanih, “Kowe, nein aramas,b NEIN ARAMAS: Nan Kadehde Kapw lepin mahsen pwukat wia mwar ehu en Sises Krais, ahpw wasaht mouren lepin mahsen pwukat weksang. wasaht e kasalehda duwen soukohp Esekiel eh wia aramaste, kaidehn Koht. Eri, ih wehwehn lepin mahsen pwukat nan pwuhk wet. uhda. I men lokaiaiong uhk.”
Nindokon ngihlo eh mahmahsen, ngenen Koht kipeiehdi oh kasihnenihiehda. I ahpw pil rongorong ngihlo eh mahsanih, “Kowe, nein aramas, I kadarowohng uhk rehn aramas en Israel kan, me kahngohdilahr oh pelianiedahr. Re kahngohdilahr duwehte samarail en mahs ako. Re keptakailahr oh sohte kin waunekin ie. I kadaruhkewei pwe ke en padahkihong irail dahme ngehi, KAUN-O, mahsanihong irail. Mehnda ma aramas kahngohdi pwuko pahn rong uhk de soh, a re en ese me soukohp men miher nanpwungarail.
“Ahpw kowe, nein aramas, ke sohte pahn masak irail de masak mehkot me re pahn nda. Re pahn uhwonguhk oh kailongkin uhk; ke pahn rasehng me ke mihmi nanpwungen skorpion kan. Ahpw ke dehpa masak aramas kahngohdi pwuko, de masak mehkot me re pahn ndawei. Ke pahn ndaiong irail mehkoaros me I padahkihong uhk, mehnda ma re men rong uhk de soh. Tamataman me irail aramas kahngohdi kei.
“Eri, kowe, nein aramas, rong kanahieng dahme I pahn mahsanih. Ke dehr kahngohdi duwehte irail. Sarapeseng oh kangala dahme I pahn kihong uhk.” I ahpw kilangada peh ehu, me kapadohng ie pelien doaropwe ieu me limilimpene. Kaud. 5.1. 10 E ahpw welikpeseng pelien doaropweo, ngehi eri kilangada me pelien doaropweo nting pali koaros. Eri, audepen doaropweo iei mahsen en nsensuwed kei, oh pil mahsen en mwahiei oh kapahtou.

b2:1: NEIN ARAMAS: Nan Kadehde Kapw lepin mahsen pwukat wia mwar ehu en Sises Krais, ahpw wasaht mouren lepin mahsen pwukat weksang. wasaht e kasalehda duwen soukohp Esekiel eh wia aramaste, kaidehn Koht. Eri, ih wehwehn lepin mahsen pwukat nan pwuhk wet.

2:9: Kaud. 5.1.