4
Sapwellimen KAUN-O Iren Kopwung ong Israel
Mie sapwellimen KAUN-O iren kopwung ong aramas akan me kin koukousoan nan sahpw wet. Rong, Israel, rong dahme e mahsanih: “Sohte loalopwoat oh limpoak nan sahpw wet, oh re sohte pohnese me ngehi Koht. Aramas akan kin wiahda inou oh kauwehla; re kin lokaia likamw, kamaramas, pirap, oh kin kamwahl. Ar wiewia suwed kan laudlahr, oh re kin kalap kemehla aramas. Eri, met pahn kahrehda sahpw wet eh pahn madekengda, oh soahng koaros me kin momour loale pahn mehla. Mahn oh menpihr koaros, oh pil mwahmw akan, pahn mehla.”
Sapwellimen KAUN-O Iren Kopwung ong Samworo kan
KAUN-O ahpw mahsanih, “Kumwail dehr kedipa de lipwoare aramas akan, pwe ei nsensuwed kin uhwong kumwail samworo kan. Amwail doadoahk nin rahn oh nipwong sohte katepe, pil duwehte doadoahk en soukohp akan. Eri, I pahn kauwehla inamwail Israel. Nei aramas akan pahn melahr pwehki ar pohnsehseielahr. Kumwail samworo kan sohte men pohnese ie oh soikala ei padahk. Ihme kahrehda ei soaingkumwailla oh sohte pohnese noumwail pwutak kan pwe re dehr wiahla nei samworo.
“Uwen tohtohlahn kumwail samworo kan, iei pil uwen tohtohlahn amwail kin wia dihp ong ie. I pahn wekidohng waupamwail en wiahla mehn kanamenekpamwail. Kumwail kin kepwehpwehkihla dipen nei aramas akan, oh kin painohng irail en kalaudehla diparail kan. Eri, kalokolok me konehng aramas pwukat pil pahn lelohng kumwail. I pahn kalokei kumwail oh dupukohng kumwail suwed akan me kumwail kin wia. 10 Ni amwail pahn kang pweisamwail sang ni meirong kan, kumwail sohte pahn medkihla. Kumwail pahn pwongih koht en kaparapar akan, ahpw kumwail sohte pahn neitik, pwehki amwail sohpeisang ie pwe kumwail en idawehn koht teikan.”
KAUN-O ketin Keriahla Kaudok en me Rotorot akan
11 KAUN-O eri mahsanih, “Wain, me kapw oh mering kasalongelahr pepehm mwahu en nei aramas akan! 12 Re kin peki kisin lepin tuhke kis en kasalehiong irail kaudiahl akan! Kisin lepin tuhke kis kin kasalehiong irail dahme re men ese! Re keseielahr. Re duwehte lih emen me kin wiahla lihen netiki paliwere; re pangalahr pein irail ong koht teikan. 13 Re kin wia meirong wasa sarawi kan pohn kumwen nahna kan, oh pohn dohl akan re kin isik warpwohmwahu pahn tuhke reirei oh losolos akan, pwehki mweteh eh inenen kansenamwahu!
“Ni imwilah, noumwail serepein kan kin wiahla lihen netiki paliwere, oh en noumwail pwutak kan ar pwoud kan kin wiahda dipen kamwahl. 14 Ahpw I sohte pahn kaloke irail pwehki mepwukat, pwehki pein kumwail pil kin iang lihen netiki paliwere kan en tehnpas sarawio,g TEHNPAS SARAWIO: Soangen lih pwukat kin mi nan tehnpas sarawi en mehn Kenan kan, wasa me re kin pwongih ie koht en kaparapar kan. Re kamehlele ma re wia nsenen pwopwoud ong lih pwukat pahn kahrehda ar mwaht akan pahn kaselel oh re pahn naineki mahn tohto. oh iang irail wia meirong en me rotorot akan. Nin duwen me lepin padahk audapano koasoia, ‘Aramas me sohte arail mehn pepehm pahn ohla.’
15 “Mehnda ma kumwail mehn Israel kan sohte kin loalopwoatohng ie, a Suda en dehr iang dipaneki soangen dihp wet. Dehr iang kaudok nan Kilkal de Pedapen,h PEDAPEN: Ahd wet wehwehki “imwen me suwed” de “imwen pwongih dikedik en eni” oh nan ire tikitik wet Pedapen iei pil Pedel, ahd ehu me wehwehki “tehnpas en Koht.” Pil tehk 10.8. de wiahda inou wasao ni mwaren Koht ieias. 16 Mehn Israel kan keptakailahr duwehte ahs akan. Eri, ia duwen ei pahn kamwenge duwehte sihmpwul kan nan mohs akan? 17 Mehn Israel kan milahr pahn manaman en dikedik en eni kan. Re en wia nsenarail. 18 Mwurin ar kin sakaukihla wain, re kin nsenamwahukihla wiewia tiahk en netiki paliwararail, re kin men ale saroh sang ale wahu. 19 Re pahn ipirekla duwehte kisinieng, oh re pahn namenengkihla ar meirong en me rotorot akan.

g4:14: TEHNPAS SARAWIO: Soangen lih pwukat kin mi nan tehnpas sarawi en mehn Kenan kan, wasa me re kin pwongih ie koht en kaparapar kan. Re kamehlele ma re wia nsenen pwopwoud ong lih pwukat pahn kahrehda ar mwaht akan pahn kaselel oh re pahn naineki mahn tohto.

h4:15: PEDAPEN: Ahd wet wehwehki “imwen me suwed” de “imwen pwongih dikedik en eni” oh nan ire tikitik wet Pedapen iei pil Pedel, ahd ehu me wehwehki “tehnpas en Koht.” Pil tehk 10.8.