BABYOR NI
1 KRONICLES
Murung’agen e Re Ke Babyor Ney
1 Kronicles e aray e kaen nib m’on u ta’ab ke babyor ni kani ki’eg ke l’agruw kaen, ni aram e bin 1 nge bin 2 e Kronicles, ni bochan e ka yigi n’uw ni dabiyag ni taw ngalan ta’abyang e babyor ni kan bachiy. Gal ke babyor ney e ke sul u daken e tin ka’an weliy ko Samuel nge Kings, machane bay bochi thil riy. L’agruw fan ni kan yoloy chipin e pi pilung nu Israel ni bod rogon ko Kronicles.
1) Be dag ni yug aram rogon feni elmirin e gafgow nike aw nga daken gil’ilungun e gal pilung nu Israel nge Judah, machane Got e be par ni kab yul’yul’ ko tin ni ognag ko fare nam, ma ka be marweliy e n’en ni i tanamnag ni fan ngak e girdi’ rok, ni be rin’ u daken e pi’in yad be par u lan yu Judah.
2) Nge weliy rogon ni sum e liyor ku Got u lan e Tempel u Jerusalem, nge rogon e maruwel ko Prist nge Levites. David e be yog ni ir e tabolingin nag e Tempel nge pi gam’ing riy ni yug aram rogon ni Solomon e toy e Tempel.
Gathon e Re Ke Babyor Ney
Pi’in owchen Adam nge mada’ nga nap’an Saul ni Pilung 1:1—9:44
Yam’ ni tay Saul nge pifak ni pumo’on 10:1–14
Gagiyeg ni tay David 11:1—29:30
a. Pi wagagey nge tin nni muruweliy nge yag 11:1—22:1
b. Rogon e t’ar medlin fare Tempel ni ngan toy 22:2—29:30
1
I tabab rok Adam me yan i mada’ ngak Abraham
(Genesis 5:1–32; 10:1–32; 11:10–26)
I Adam e chitamngin Seth, me Seth e chitamngin Enosh, me Enosh e chitamngin Kenan, me Kenan e chitamngin Mahalalel, me Mahalalel e chitamngin Jared. I Jared e chitamngin Enok, me Enok e chitamngin Methuselah; me Methuselah e chitamngin Lamek, ni ir e chitamngin Noah. Me Noah e dalip e pagel ni fak: i Shem, Ham, nge Jafeth.
Pi pumo’on ni pifak Jafeth — e Gomer, Magog, Madai, Javan, Tubal, Meshek, nge Tiras — ni yad e chitamngin e pi ganong ntunguy fithingrad ngorad. Ma pi’in owchen Gomer e girdi’ nu Ashkenaz, Rifath, Togarmah. Ma pi’in owchen Javan e girdi’ nu Elishah, Spain, Cyprus, ngu Rhodes.
Ma pi pumo’on ni pifak Ham — e Kush, Egypt, Libya, nge Kanaan — yad e chitamngin e pi ganong ntunguy fithingrad ngorad. Pi’in owchen Kush e girdi’ nu Seba, Havilah, Sabtah, Raamah, nge Sabteka. Ma pi’in owchen Raamah e girdi’ nu Sheba nge Dedan. 10 (Me Kush e immoy be’ ni pumo’on ni fak ni Nimrod fithingan, ni ir e cha’ nth’abi som’on e girdi’ nu fayleng nib falu’ ko mael.) 11 Ma pi’in owchen Egypt e girdi’ nu Lydia, Anam, Lehab, Naftuh, 12 Pathrus, Kasluh, nge Krete (ni aram e gin ni yib e pi girdi’ nu Filistia riy). 13 Pi pumo’on ni pifak Kanaan — e Sidon e ba nganni’, nge Heth — ni yow e chitamngin e pi ganong ntunguy fithingrow ngorad. 14 Me Kanaan e ku ir e chitamngin e girdi’ nu Jebus, Amor, Girgash, 15 Hiv, Ark, Sin, 16 Arvad, Zemar, nge Hamath.
17 Pi pumo’on ni pifak Shem — e Elam, Asshur, Arpakshad, Lud, Aram, Uz, Hul, Gether, nge Meshek — yad e chitamngin e pi genong ntunguy fithingrad ngorad. 18 I Arpakshad e chitamngin Shelah, ni chitamngin Eber. 19 Ma l’agruw e pumo’on ni fak Eber; reb e ni tunguy fithingan ni Peleg,* PELEG: Re ngachal ney e gowa lingan fare bugithin ni Hebrew ni ngan “Ki’eg.” ni fan e ngiyal’nem e ke yu raba’ e girdi’ u fayleng, me reb e ni tunguy Joktan ngak. 20 Pi’in ni owchen Joktan e girdi’ nu Almodad, Shelef, Hazarmaveth, Jerah, 21 Hadoram, Uzal, Diklah, 22 Ebal, Abimael, Sheba, 23 Ofir, Havilah, ngu Jobab.
24 Irera’ fare um i girdi’ ni tabab rok Shem nge mada’ ngak Abram: i Shem, Arpakshad, Shelah, 25 Eber, Peleg, Reu, 26 Serug, Nahor, Terah, 27 nge Abram (ni kuyi manang ni Abraham).
Pi’in owchen i Ishmael
(Genesis 25:12–16)
28 L’agruw e pumo’on ni fak Abraham, ni Isaak nge Ishmael. 29 Ma pi pumo’on ni pifak Ishmael e ra manged lolgen ragag nge l’agruw i ganong: i Nebayoth e bin nganni’, Kedar, Adbeel, Mibsam, 30 Mishma, Dumah, Massa, Hadad, Tema, 31 Jetur, Nafish, nge Kedemah.
32 Ma Abraham e bay reb e bpin rok ni fithingan e Keturah, ni diyennag n’el e pumo’on ni fak Abraham: i Zimran, Jokshan, Medan, Midian, Ishbak, nge Shual. Ma immoy l’agruw i pumo’on ni fak Jokshan: ni Sheba nge Dedan. 33 Me Midian e lal e pumo’on ni fak: i Efah, Efer, Hanok, Abida, nge Eldaah.
Pi’in Owchen Esau
(Genesis 36:1–19)
34 Me Isaak nib mo’on ni fak Abraham e l’agruw e pumo’on ni fak, ni Esau nge Jakob. 35 Ma pumo’on ni fak Esau e Elifaz, Reuel, Jeush, Jalam, nge Korah. 36 Me Elifaz e mang chitamngin e tin ba’aray e ganong: ni Teman, Omar, Zefi, Gatam, Kenaz, Timna, nge Amalek. 37 Me Reuel e mang chitamngin e pi ganong ko Nahath, Zerah, Shammah, nge Mizzah.
Pi’in nri Girdi’en yu Edom
(Genesis 36:20–30)
38-42 Ri girdi’en yu Edom e pi’in owchen fapi pumo’on ni ba’aray ni pifak Seir:
Lotan, ni ir e chitamngin fa gal ke girdi’ rok Hori nge Homam. (Lotan e bay be’ ni bpin ni walagen ni Timna.)
Shobal, e ir e chitamngin fa yuke girdi’ ni Alvan, Manahath, Ebal, Shefi, nge Onam.
Zibeon, e l’agruw e pagel ni fak, ni Ayah nge Anah. Anah e ir e chitamngin e Dishon, ma Dishon e ir e ga’ ko fa yuke girdi’ ni Hamran, Eshban, Ithran, nge Keran.
Ezer, e ir e chitamngin fa yuke girdi’ ni Bilhan, Zaavan, nge Jaakan.
Dishan, e ir e chitamngin fa gal ke girdi’ ni Uz nge Aran.
Pi Pilung nu Edom
(Genesis 36:31–43)
43-50 Irera’ e pi pilung ni u roged e thin ko fare nam nu Edom nra chuw bagyad me yib bagyad, u m’on ni dawor i pilung be’ nu Israel:
Bela nib mo’on ni fak Beor nu Dinhabah
Jobab nib mo’on ni fak Zerah nu Bozrah
Husham ko nug nu Teman
Hadad nib mo’on ni fak Bedad nu Avith (i gel ngak yu Midian ko mael u lan fare nam nu Moab)
Samlah nu Masrekah
Shaul nu Rehoboth-u-daken-e-lul’
Baal Hanan nib mo’on ni fak Akbor
Hadad nu Pau (ni le’engin Mehetabel, ni be’ ni bpin ni fak Matred ma titaw rok e Mezahab)
51 Girdi’ nu Edom e ra weargad ko pi ganong ni ba’aray: Timna, Alvah, Jetheth, 52 Oholibamah, Elah, Pinon, 53 Kenaz, Teman, Mibzar, 54 Magdiel, nge Iram.

*1:19 PELEG: Re ngachal ney e gowa lingan fare bugithin ni Hebrew ni ngan “Ki’eg.”