1 Bingyal’ ko ngiyal’ i n’em me rung’ag i Merodak Baladan ni Pilung nu Babylonia, nib mo’on ni fak Baladan nike m’ar Hezekiah ni Pilung, ma aram me pi’ bang i babyor nge ba tow’ath nge yan ngak. 2 Me pining Hezekiah e magaer ngak fapi tamal’og me dag feni fel’ rogon ngorad — silber rok nge gol, florida nge spices, nge gubin e pi talin e mael rok. Dariy ban’en u lan e pi senggil nma cha’ar riy nge gubin yang e yungin nma gagiyegnag nde dag ngorad. 3 Ma aram me yan fare profet i Isaiah ngak Hezekiah ni Pilung me fith ni ga’ar, “Ke yib e pi pumo’on ney u uw nge mang e krogned ngom?

Me fulweg Hezekiah ni ga’ar, “Karbad u Babylon nib binaw nib palog.”

4 “Mang e kar guyed u lan fare tafen e pilung?”

“Kar guyed gubin ban’en. Dariy ban’en u lan fapi senggil ko cha’ar ni da gu dag ngorad.”

5 Ma aram me ga’ar Isaiah ngak fare pilung, “Be ga’ar SOMOL ni Gubin ma Rayag Rok 6 bayi taw nga bangiyal ni gubin ban’en nu lan fare naun rom ni tafen e pilung, ni i cha’riy e pi chitamangim kakrom ke mada’ ko bin ni da’ir e rran e bay ni fek nge m’ay nga Babylonia. Dariy ban’en nra magey. 7 Boch pifakam ni pumo’on e bay ni fekrad ngabang ngar manged bogi eunuch*EUNUCH: Pumo’on ni kan maad’adnag ni dabki finey e ppin. ni ngar pigpiggad u lan tafen e pilung nu Babylonia.”

8 Me Hezekiah ni Pilung e leamnag ni fan e ran’ey e gapas nge dariy ban’en nra buch u n’umngin nap’an e yafos rok, aram me fulweg ni ga’ar, “Fare thin ni kamog ngog ni yib rok SOMOL e ba manigil.”