52
Gechig nge runguy rok Got*TITLE NI HEBREW: Ba thin rok David, nga tomuren Doeg ni ba Edomite ni yan ngak Saul nge yog ngak ni David e ke yan ko naun rok Ahimelek.1 Sa 22:9, 10
1 Mang ni ga be uf ko kireb rom, gur e en ni yargel?
Feni yul’yul’ Got e dariy n’umngin nap’an.
2 Ga be t’ar liben ni nge math owchen boch e girdi’;
balowthem e bod bangi resa nib m’uth.
Gubin ngiyal’ ni ga ma tunguy e thin.
3 Ba t’uf e kireb rom ko fel’
ma bo’or e tin malfith ni ga ma yog ko tin riyul’.
4 Ga ba’adag ni ga ma kirebnag lanyan’ e girdi’ ko thin rom, gur e re mululufith langan nir!
5 Are Got e bayi tem ko bin but’ e fol ni dariy n’umngin nap’an;
bayi tharbegem u tafnam;
bayi chuwegem ko fayleng ko pi’in bafos.
6 Pi’in nib mat’aw e bay ra guyed e ran’ey miyad rus;
ma aram e bay ra garus niged gur me lungurad,
7 “Muguyew, ba’aray facha’ nda i naf ngak Got ni nge ayuweg,
ya i pagan’ nga feni yo’or bogi ban’en rok,
ma fel’ rogon rok e ke mang yoror rok.”
8 Me gag e gu bod bake gek’iy ni olive ni galunglung u lane naun rok Got;
Ke pagan’ug ko t’ufeg rok ni dabi mus ni manechibog ko pi chibog.
9 Got, bay gu pining e magaer ngom ni gubin ngiyal, ko n’en ni kam rin’;
bay gu weliy u p’eowchen e girdi’ rom
nri gab manigil.
*^ TITLE NI HEBREW: Ba thin rok David, nga tomuren Doeg ni ba Edomite ni yan ngak Saul nge yog ngak ni David e ke yan ko naun rok Ahimelek.
DRAFT VERSION — Proofreading in progress