4
Mwet Kacto Lal Solomon
1 Solomon el tokosra lun Israel nufon, 2 ac mwet wal fulat yal pa:
Mwet tol: Azariah, wen natul Zadok
3 Mwet sim inkul lun tokosra: Elihoreph ac Ahijah, wen natul Shisha
Mwet liyaung ma simla: Jehoshaphat, wen natul Ahilud
4 Mwet kol fulat lun un mwet mweun: Benaiah, wen natul Jehoiada
Mwet tol: Zadok ac Abiathar
5 Leum fin mwet suksuk* mwet suksuk: mwet solla sin tokosra in karingin kais sie acn. ke kais sie acn: Azariah, wen natul Nathan
Mwet kasru fulat nu sin tokosra: mwet tol Zabud, wen natul Nathan
6 Mwet kol lun mwet kulansap ke inkul fulat: Ahishar
Mwet kol fin mwet kumakinyuk: Adoniram, wen natul Abda
7 Solomon el srisrngiya mwet suksuk singoul luo fin acn Israel nufon. Ma kunalos in fosrngakunma mwe mongo nu inkul sin tokosra liki acn selos — kais mwet suksuk karingin malem se ke yac se. 8 Pa inge inelos ac acn elos karingin:
Benhur: infulan eol Ephraim
9 Bendeker: siti lun Makaz, Shaalbim, Beth Shemesh, Elon, ac Beth Hanan
10 Benhesed: siti lun Arubboth, ac Socoh ac acn Hepher nufon
11 Benabinadab, su payuk sin Taphath, acn se natul Solomon: acn Dor nufon
12 Baana, wen natul Ahilud: siti Taanach ac Megiddo, ac acn nukewa apkuran nu Beth Shan ma apkuran nu ke siti srisrik Zarethan, eir in siti srisrik Jezreel, fahla nwe ke siti Abel Meholah ac Jokmeam
13 Bengeber: siti Ramoth in acn Gilead, ac acn srisrik nukewa in acn Gilead ma lun sou lal Jair, su ma in fwil natul Manasseh, ac acn Argob in acn Bashan. Oasr siti lulap onngoul, ac kewana potyak, ac mwe sruh ke mutunpot uh orekla ke osra bronze
14 Ahinadab, wen natul Iddo: acn lal Mahanaim
15 Ahimaaz, su payukyak sel Basemath, sie pac sin acn natul Solomon: acn lal Naphtali
16 Baana, wen natul Hushai: acn lal Asher ac siti srisrik Bealoth
17 Jehoshaphat, wen natul Paruah: acn lal Issachar
18 Shimei, wen natul Ela: acn lal Benjamin
19 Geber, wen natul Uri: acn Gilead, facl se ma Sihon (tokosra lun mwet Amor) ac Og (tokosra lun Bashan) eltal leumi.
Sayen mwet singoul luo inge, oasr sie mwet suksuk fulat solla in karingin facl sac nufon.
Wolana Ac Pwengpeng Ke Tokosrai Lal Solomon
20 Pusiyen mwet Judah ac Israel oana puk weacn uh. Elos mongo ac nim ac engan. 21 Tokosrai lal Solomon sisani facl nukewa e ke Infacl Euphrates me nwe ke acn Philistia, ac masrol nu Egypt. Mwet inge nukewa moli tax nu sel, ac orekma nu sel ke lusen moul lal nufon. Gen 15:18; 2 Chr 9:26
22 Enenu lal Solomon nu inkul sin tokosra ke kais sie len pa: pak in flao srik kosra siofok lumngaul, ac pak in flao yohk kosra tolfoko, 23 cow muta in kalkal singoul, ac cow forfor saya longoul, ac sheep siofok, sayen na kosro deer, gazelle, roebuck, ac won.
24 Solomon el leumi facl nukewa roto in Infacl Euphrates, liki acn Tiphsah ke infacl Euphrates, nwe ke siti Gaza nu roto. Tokosra nukewa roto in Infacl Euphrates elos orekma nu sel, ac oasr misla ke facl nukewa ma oan raunella. 25 Ke lusen moul lal Solomon, mwet nukewa in acn Judah ac Israel elos mutana in misla ac wangin mwe fosrnga. Kais sie sou oasr ima in grape ac sak fig sunalos.
26 Oasr angngaul tausin nien muta lun horse in chariot natul Solomon, ac singoul luo tausin horse in mweun natul. 1 Tok 10:26; 2 Chr 1:14; 9:25 27 Mwet suksuk singoul luo lal inge, elos akoo mwe mongo nun Tokosra Solomon ac mwet welul ke tepu lal, kais sie mwet ke malem lal. Elos fosrngakin mwe enenu nukewa. 28 Kais sie mwet suksuk ac srukak pac ma kunal ke barley ac mah nu yen ma eneneyuk we. Ma inge ma nun horse ac kosro saya ma orekmakinyuk.
29 God El sang nu sel Solomon lalmwetmet, ac lemlem, ac etauk yoklana — alukela ma ku in srikeyuki. 30 Ouinge Solomon el lalmwetmet liki mwet lalmwetmet lun acn kutulap, oayapa mwet lalmwetmet lun Egypt. 31 El lalmwetmet liki mwet nukewa: el lalmwetmet lukel Ethan mwet Ezrah, ac Heman, Calcol, ac Darda, wen tolu natul Mahol. Pweng kacl fahsrelik nu in facl nukewa ma oan apkuran nu we. Psa 89: Sifac uh 32 El orala soakas tolu tausin, ac kinala on pus liki sie tausin. Soa 1:1; 10:1; 25:1; Ols 1:1 33 El sramsram pac ke sak, ac mwe yokyok, mutawauk ke sak cedar lun Lebanon nwe ke sak hyssop su kap pe pot uh; ac el sramsram pac ke kosro, won, wet lulap, ac ik uh. 34 Tokosra nukewa fin faclu lohng ke lalmwetmet lal inge, ac elos supwala mwet in lohng sramsram lalmwetmet lal.