36
Tokosra Joahaz Lun Judah
(Luo Tokosra 23:30–35)
Mwet Judah elos sulella Joahaz wen natul Josiah, elan tokosra, ac mosrwella in Jerusalem. Joahaz el yac longoul tolu ke el tokosrala lun Judah, ac el leum in Jerusalem ke malem tolu. Tokosra Neco lun Egypt el usalla nu in sruoh, ac sap acn Judah in moli paun tausin itkosr lumfoko ke silver, ac paun itngoul limekosr ke gold in mwe takma. El sraklalak Eliakim, tamulel lal Joahaz, elan tokosrala lun Judah, ac el ekulla inel nu ke Jehoiakim, na el usalla Joahaz nu Egypt. Jer 22:11–12
Tokosra Jehoiakim Lun Judah
(Luo Tokosra 23:36—24:7)
Jehoiakim el yac longoul limekosr ke el tokosrala, ac el leum in Jerusalem ke yac singoul sie. El oru ma koluk lain LEUM GOD lal. Jer 22:18–19; 26:1–6; 35:1–19 Tokosra Nebuchadnezzar lun Babylonia el utyak ac mweuni acn Judah, ac sruokilya Jehoiakim, kaprilya ke sein ac usalla nu Babylonia. Jer 25:1–38; 36:1–32; 45:1–5; Dan 1:1–2 Nebuchadnezzar el usla kutu ma saok lun Tempul, ac filiya inkul fulat sel in Babylon. Ma nukewa ma Jehoiakim el tuh oru, ke moul fohkfok lal ac ma koluk yohk el orala, simla ke Sramsram Matu Ke Tokosra Lun Israel Ac Judah. Jehoiachin wen natul, el aolulla in tokosra.
Tokosra Jehoiachin Lun Judah
(Luo Tokosra 24:8–17)
Jehoiachin el yac singoul oalkosr ke el tokosrala lun Judah, ac el leum in Jerusalem ke malem tolu ac len singoul. El wi pac oru ma koluk lain LEUM GOD. 10 Ke fahsr in safla pacl ohu, Tokosra Nebuchadnezzar el usalla Jehoiachin nu in sruoh in Babylonia, ac el usla pac ma saok lun Tempul. Nebuchadnezzar el oru tuh Zedekiah, tamulel lal* tamulel lal: Kutu leng oemeet in ma simusla fahk mu Zedekiah el papa se nu sel — liye 2 Tok 24:17. Jehoiachin, elan tokosra lun Judah ac Jerusalem. Jer 22:24–30; 24:1–10; 29:1–2; Ezk 17:12; Jer 37:1; Ezk 17:13
Tokosra Zedekiah Lun Judah
(Luo Tokosra 24:18–20; Jeremiah 52:1–3)
11 Zedekiah el yac longoul sie ke el tokosrala lun Judah, ac el leum in Jerusalem ke yac singoul sie. Jer 27:1–22; 28:1–17 12 El oru ma koluk lain LEUM GOD, ac tia pusisel in lohng ma mwet palu Jeremiah el fahkak ke kas lun LEUM GOD.
Musalla Lun Jerusalem
(Luo Tokosra 25:1–21; Jeremiah 52:3–11)
13 Zedekiah el forla ac lainul Tokosra Nebuchadnezzar, su akkohsyel elan fulahk Inen LEUM GOD lah el ac pwayena nu sel. El likkekelana ac tiana auliyak ku forla nu sin LEUM GOD lun Israel. Ezk 17:15 14 Sayen ma inge, mwet kol lun Judah, mwet tol, ac mwet uh elos fahsr ke ouiya koluk lun mutunfacl raunelosla, ac alu nu ke ma sruloala. Ouinge elos akfohkfokye Tempul su LEUM GOD El sifacna akmutalyela. 15  LEUM GOD lun papa matu tumalos El supu mwet palu pacl puspis in sensenkakin mwet lal, mweyen El pakomutalos ac kena tuh elos in tia tuhlac, ac Tempul in tia musalla. 16 Tusruktu, elos aksruksruki mwet su God El supu nu yorolos, ac pilesru kas lal, ac isrun mwet palu lal, nwe ke pacl se kasrkusrak lun LEUM GOD arulana upala lainulos, ac elos tia ku in kaingkunla.
17 Ouinge LEUM GOD El use tokosra lun Babylonia in mweunelos. Tokosra sac el uniya mwet fusr lun Judah, elos finne muta in Tempul. Wangin pakoten lal nu sin mwet uh — mwet fusr ku mwet matu, mukul ku mutan, mwet mas ku mwet ku. God El eisalosyang nukewa nu inpaol. Jer 21:1–10; 34:1–5 18 Tokosra Babylonia el wapi Tempul, ac iwen fil ma saok lun Tempul, ac mwe kasrup lun tokosra ac mwet pwapa lal, ac usla ma inge nukewa nu Babylon. 19 El esukak Tempul ac siti uh, wi pac lohm nukewa sin tokosra ac mwe kasrup we, ac kunausya pot lun siti uh. 1 Tok 9:8 20 El usla mwet nukewa ma tia misa ke mweun nu Babylonia, yen elos ac mwet kohs nu sel ac tulik natul we, nwe ke pacl se Tokosrai Persia tuyak. 21 Ouinge akpwayeyuk kas ma LEUM GOD El tuh fahk nu sel Jeremiah mwet palu, ke El fahk, “Acn uh ac fah musalla oan ke yac itngoul, in aolla Yac in Sabbath Yac in Sabbath: yac akitkosr nukewa, acn uh mongla tia yukwiyuk — liye Lev. 25:1–7. nukewa ma mwet uh tia akfulatye.” Jer 25:11; 29:10
Cyrus El Sapkin Mwet Jew In Folokla
(Ezra 1:1–4)
22 In yac se meet ma Cyrus lun Persia el Tokosra Fulat, kas lun LEUM GOD su tutafme sel Jeremiah mwet palu, akpwayeiyukla. God El aknunakyal Cyrus tuh elan supwalik sie ma simla, in tuh ritiyuk in tokosrai nukewa ma el leum fac, su fahk:
23 “Pa inge ma sap sel Cyrus, Tokosra Fulat lun Persia. LEUM GOD lun kusrao El oru tuh nga in leum fin faclu nufon, ac El srisrngiyuwi tuh nga in musai sie Tempul nu sel in Jerusalem in facl Judah. Inge, kowos nukewa su mwet lun God, kowos folokla nu we, ac lela tuh LEUM GOD lowos in wi kowos.” Isa 44:28

36:4 Jer 22:11–12

36:5 Jer 22:18–19; 26:1–6; 35:1–19

36:6 Jer 25:1–38; 36:1–32; 45:1–5; Dan 1:1–2

*36:10 tamulel lal: Kutu leng oemeet in ma simusla fahk mu Zedekiah el papa se nu sel — liye 2 Tok 24:17.

36:10 Jer 22:24–30; 24:1–10; 29:1–2; Ezk 17:12; Jer 37:1; Ezk 17:13

36:11 Jer 27:1–22; 28:1–17

36:13 Ezk 17:15

36:17 Jer 21:1–10; 34:1–5

36:19 1 Tok 9:8

36:21 Yac in Sabbath: yac akitkosr nukewa, acn uh mongla tia yukwiyuk — liye Lev. 25:1–7.

36:21 Jer 25:11; 29:10

36:23 Isa 44:28