6
Tulik Srisrik, Ac Papa Ac Nina
Tulik srisrik, kowos in akos papa tomowos ac nina kiowos, mweyen kowos ma lun Leum, ac ma inge suwos. Col 3:20 “Akfulatye papa tomom ac nina kiom” pa ma sap se emeet ma oasr wuleang kac, 6:2–3; Exo 20:12; Dut 5:16 fahk mu: “tuh in wo nu sum ac moul lom ac fah loes fin faclu.”
Papa ac nina, nik kowos akangonye tulik nutuwos an, ku oru ouiya ma ac akkasrkusrakyalos, a kowos in kaelos ac lotelos elos in kapkapak ke ouiya lun mwet lulalfongi. Col 3:21
Mwet Kohs Ac Mwet Leum Lalos
Mwet kohs, kowos in akos leum lowos fin faclu ac arulana akfulatyalos; ac kowos in oru ke inse pwaye, oana nu sin Christ. 6:5–8; Col 3:22–25 Tia oru ye mutalos mukena in mwe aklung nu selos; a ke sripen kowos mwet kohs lun Christ, kowos in oru ma God El lungse ke insiowos kewa. Oru orekma lowos ke inse engan, oana kowos in oru nu sin Leum ac tia nu sin mwet uh. Kowos etu lah Leum el ac sot molin orekma wo nukewa lowos, kowos finne mwet kohs ku mwet sukosok.
Ac kowos mwet leum, kowos in oru oapana inge nu sin mwet kohs lowos, ac tia sifil aksangengyalos. Esam lah kowos ac mwet kohs lowos uh oasr Leum sefanna lowos inkusrao, su ac nununku mwet nukewa oana sie. Col 4:1; Dut 10:17; Col 3:25
Mwe Loeyuk Nukewa Lun God
10 In aksafye sim luk uh, lela ku lulap lun Leum in akkeye kowos ke kowos ma sefannala yorol. 11 Kowos in nokomang mwe mweun nukewa ma God El asot nu suwos, tuh kowos in ku in tu lain kutasrik lun Devil. 12 Mweyen tia un mwet se pa kut mweuni uh, a ngun fohkfok yen engyeng uh, ac mwet leum ac wal ac ngun koluk ma leumi mwet uh, ac ku lun we lohsr se inge. 13 Inge kowos in nokomang mwe loeyuk ma God El asot! Na ke len koluk ac tuku, kowos fah ku in lain mwet lokoalok lowos; ac ke saflaiya kowos ac tu na ku ac tia fuhleak.
14 Ke ma inge, kowos in tuyak ac akola. Loseni infulwowos in ku ke pwaye, ac nokomang suwoswos tuh in mwe loeyuk nu ke iniwowos, Isa 11:5; Isa 59:17 15 ac kena lowos in fahkelik Pweng Wo ke misla, in pa fahluk lowos. Isa 52:7 16 Pacl nukewa kowos in us lulalfongi oana mwe loang lowos; kowos in ku in sang konela pisr firir nukewa sin el su Koluklana. 17 Ac kowos in eis lango sin God tuh in oana sie helmet, ac kas lun God in oana cutlass su Ngun Mutal sot nu suwos. Isa 59:17 18 Oru ma inge nukewa ke pre, ac siyuk kasru sin God. In kutena ma kowos oru kowos in pre fal nu ke kolyuk lun Ngun. Ke sripa se inge, kowos in oaru in tupan ac tia fuhleak. Pre pacl nukewa ke mwet lun God nukewa. 19 Ac oayapa pre keik, tuh God El fah ase nu sik sie mwe fahkak ke pacl nga akola in kaskas, ac tuh nga in ku in kaskas pulaik, ac oru tuh mwet uh in kalem ke ma lukma lun Wosasu. 20 Ke sripen Wosasu se inge, nga sie mwet tutafpo fulat* mwet tutafpo fulat: kut orekmakin oana kas se inge “ambassador.” lun Jesus Christ, nga finne muta in presin. Pre tuh nga in ku in pulaik in fahkak ke Wosasu oana ma fal.
Kas In Wilwil
21 Kowos fin ke etu keik lah nga fuka, Tychicus el ac fah fahkak nu suwos. El sie mwet lili saok ac oaru ke orekma lun Leum. Orek 20:4; 2 Tim 4:12 22 Pa inge sripa se oru nga supwalot nu yuruwos uh — tuh elan fahkak nu suwos lah fuka ouiyasr nukewa, ac oayapa elan akkeye kowos.
23 Misla, lungse, ac lulalfongi sin God Papa, ac sin Leum Jesus Christ, nu sin mwet wiasr in lulalfongi nukewa. 24 Lungkulang nu selos nukewa su lungse Leum lasr Jesus Christ ke lungse su koflana wanginla.

6:1 Col 3:20

6:2 6:2–3; Exo 20:12; Dut 5:16

6:4 Col 3:21

6:5 6:5–8; Col 3:22–25

6:9 Col 4:1; Dut 10:17; Col 3:25

6:14 Isa 11:5; Isa 59:17

6:15 Isa 52:7

6:17 Isa 59:17

*6:20 mwet tutafpo fulat: kut orekmakin oana kas se inge “ambassador.”

6:21 Orek 20:4; 2 Tim 4:12