2
Koasoanepen Kadaudok kan nan Kahnimpwalo
KAUN-O ketikihong Moses oh Aaron kaweid pwukat. Ahnsou me mehn Israel kan pahn kauwada imwarail impwal kan, emenemen pahn mi pahn pilaik en eh pwihnlap oh mi pahn pilaik en eh peneinei. Re pahn kauwada imwarail impwal kan kapilkipene Impwalo. 3-9 Irail kan me mi pahn pilaik en Suda pahn wiahda pwihn kei oh kauwada imwarail impwal kan ni palimese, pahn kaweidpen arail kaun pwukat:
 
Kadaudok Kaun Uwen tohto
Suda Nahson, nein Aminadap 74,600
Isakar Nedaniel, nein Suar 54,400
Sepulon Eliap, nein Elon 57,400
Patpene koaros: 186,400
 
Pwihnlap en Suda me pahn tiengki kaparo.
10-16 Irail kan me mi pahn pilaik en pwihnlap en Reupen pahn wiahda pwihn kei oh kuwada imwarail impwal kan ni palieir, pahn kaweidpen arail kaun pwukat:
 
Kadaudok Kaun Uwen tohto
Reupen Elisur, nein Sedeur46,500
Simion Selumiel, nein Surisadai59,300
Kad Eliasap, nein Deuel45,650
Patpene koaros: 151,450
 
Pwihnlap en Reupen me pahn keriaun mwekid.
17 Mehn Lipai kan pahn mwekidwei oh wa Impwalo mwurin pwihnlap riau me tiengo, oh mwohn pwihnlap riau me alu mwuhro. Ehuehu pwihnlap pahn mwekidwei ni soangen koasoanditeieu duwehte ar koasoandi ni ar pahn kin kauwada imwarail impwal kan, ni ehuehu pwihnlap pahn ar pilaik.
18-24 Irail kan me mi pahn pilaik en pwihnlap en Epraim pahn wiahda pwihn kei oh kauwada imwarail impwal kan ni palikapi, pahn kaweidpen arail kaun pwukat:
 
Kadaudok Kaun Uwen tohto
Epraim Elisama, nein Ammihud 40,500
Manase Kamaliel, nein Pedasur 32,200
Pensamin Apidan son of Kideoni 35,400
Patpene koaros: 108,100
 
Pwihnlap en Epraim me pahn mwekid kesiluh.
25-31 Irail kan me mi pahn pilaik en pwihnlap en Dan pahn wiahda pwihn kei oh kauwada imwarail impwal kan ni paliepeng, pahn kaweidpen arail kaun pwukat:
 
Kadaudok Kaun Uwen tohto
Dan Ahieser, nein Amisadai 62,700
Aser Pakiel, nein Okran 41,500
Napdali Aira, nein Enan 53,400
Patpene koaros: 157,600
 
Pwihnlap en Dan me pahn mwekid keieu mwuhr.
32 Uwen tohtohn mehn Israel koaros patpene me towehda pwihnlap akan, irail me 603,550. 33 Duwen KAUN-O eh ketin koasoanediong Moses, mehn Lipai ko sohte iang patehng wadawaden mehn Israel ko.
34 Mehn Israel ko eri kapwaiada mehkoaros me KAUN-O mahsanihong Moses. Re kauwada imwarail impwal, emenemen aramas pahn eh pilaik, oh re mwekidwei, emenemen iang pein eh peneinei.