2
Fare pilung ni Got e duwgiliy
1 Mangfan nike puruy’ e pi nam ni ngar togopluwgad?
Mangfan ni yad be makath nib m’ay fan?
2 Pi pilung rorad e kar togopluwgad,
ma pi’in yad be gagiyeg nagrad e kar mu’ulunggad yad be makath
nib togopluw ngak SOMOL nge fare pilung ni Got e mel’eg.
3 Be lungurad, “Marod, ngad chuwgad u tan e gagiyeg rorow,
marod, ngad pithiged gadad u tan pa’ row.”
4 I SOMOL e bay u tagil’ u tharmiy ni be minmin ngorad
ma be moningnag e yochi makath rorad.
5 Ra damumuw nge ginangrad,
me k’aring e marus ngorad ko damumuw rok.
6 Ke ga’ar, “Kug tay e pilung rog nga daken yu Zion,*ZION: Re bugithin ni Zion e (ka unog ni “Binaw rok David” ni immoy ni tafen piyu Jebus nib yoror, me kol e salthaw ku David) me boch ngaray me par ni fithingan fare burey ni bay e tempel riy.
ni aram fare burey rog nib thothup.”
7 Me ga’ar fare pilung, “Nggu weliy ngan nang e tin keyog SOMOL.
Ke ga’ar SOMOL ngog, ‘I gur fakag,
daba’ e kug mang chitamam.Mat 3:17; Act 13:33; Heb 1:5; 5:5
8 Mu ning ngog, mu gu pi’ urngin e nam ngom;
ma re fayleng ney ni polo’ e bayi mil suwon ngom.
9 Bay mu gagiyeg nagrad nga pa’am nib wasey;
bay mu bilbiligrad nnochiyang ni bod ba th’ib ni but’.’ ”
10 Gimed e pi pilung, mmotoyilgad ko re thin ni ba’aray nib ginaeng ngomed,
gimed pi tagagiyeg ko fayleng, thingar mu nanged e pi thin ni ba’aray:
11 Mu pigpiggad ngak SOMOL u fithik’ e marus;
mu t’on gad, 12 mi gimed siro’ ngak;
ya ra danga’ ma ra puw e damumuw rok,
mi gimed yim’ nib tomgin.
Ba felan’ urngin e pi’in yad ma yan ngak SOMOL ni nge yororiyrad!
*2:6 ZION: Re bugithin ni Zion e (ka unog ni “Binaw rok David” ni immoy ni tafen piyu Jebus nib yoror, me kol e salthaw ku David) me boch ngaray me par ni fithingan fare burey ni bay e tempel riy.
2:7 Mat 3:17; Act 13:33; Heb 1:5; 5:5
DRAFT VERSION — Proofreading in progress